忙裡偷閒

要保持時時到來寫日記真的不是一件容易的事,因為真係邊得咁多野可以同大家分享呀。就算有-好像先前睇完Rocky6,真係好感觸,因Rocky是我睇過的系列電影中其中一部很喜歡的電影,記得自己還是小孩時每次都睇到熱血沸騰,每次見到TV重播都可以睇完又睇,感覺多好呀!!還有就是也想回應一下先前Pro Golf向我提出的提目,他叫我講下自己未來的目標,咁我就長話短說,我的目標就是要找個方法去搵錢,而直到現在已找到兩個方法,1.是要比其他人更加努力,現在可做的就是減少自己的睡眠時間,一於有job接job,大小通吃,無job自修,不斷求進步,希望可以追到市場所需。2.無論什麼機會都不可以放過,一於試左先算,不論喜歡與否,最重要有錢到手。正所謂有錢有夢想,無錢就得個樣。現在如果比D心機搵錢,在未來的日子就可以做自己喜歡的工作了。但雖然有咁多野可以講,但近來就因為要實踐自己所講的有job接job,所以都在忙於工作而無時間到來,今天因為要等待客戶進一步的資料而未能繼續工作,所以就馬上到來留個言,唔好比大家以為我開左個blog就唔見左人,時時玩失蹤,其實我時時都會到來睇下,如果見到大家有留言一定馬上回覆的,所以大家都唔好離我而去呀,多D上來傾下計啦..^_~``

M記同事

今天在公司有一位同事同我講"喂!昨天無意之間找到你個網頁喎!" 下!! 真的好驚訝同好不好意思, 無想過無啦啦有人會咁同我講。因我一向都唔會去同自己的網頁賣廣告, 四維同人講我有個網頁。除了身邊的幾位好友, 因為喜歡和他們分享自己的創作和造網頁的樂趣。我覺得做網頁是一件好個人的事, 自己可以在此造一些自己野, 唔需要考慮別人的睇法。如果你覺得好玩, 喜歡我所發表的創作, 我好多謝你, 也好歡迎你多些到來, 但如果你覺得這裡好無聊, 好悶, 我都唔介意你永不到來。而今天聽到這位同事同我講她都好有興趣自己做一個自己的網頁, 但在公司因工作關係未能詳談, 所以就在此說一些自己的睇法, 如果她有機會再次到來, 見到我所講的, 希望能推你一下, 真的開始造自己的網頁吧。

我這個網頁是在兩年多前開始的, 在未開始時也有和她一樣的想法, 不知如何開始, 由於時間的過去已不太記得做網頁的方法, 又怕造出來給人見到, 不知出來的效果如何。對於她的想法, 我想好多人也曾經有過, 我也認識一些造網頁的高手是沒有自己的個人網頁的, 所以對造網頁的認識多與小是不會構成你可否擁有自己的網頁, 再講, 我好相信一些所有人都認同的好網頁也不會是一開始就是現在的樣子, 他們也是經過多次的修改才會變得這樣使人讚不絕口。我想最重要是你可否下定決心去做, 同可否真的用心去做。至於技巧方面其實好自然你就會得到, 因為你越接觸得多, 你就想學得更多。我自己也是在學習階段, 如果有興趣大家可以一起研究, 我也很想有一天可以在搜尋網頁時找到你的網頁呢...加油呀..^_^!!

零柒第一舖

踏入零柒年已有五日, 本來很想在零柒年的第一日上來出個舖, 因為在日子上寫住一月一日, 當睇到時幾有意思。可能有D人會覺得無聊, 但自己就覺得幾得意, 因可以睇到一個交接的日子。但可惜因在岩岩過去的一個星期每天都要加班七至八個小時, 係呀!! 你無睇錯我也無打錯, 一日做兩日的時間, 因正常一日工作天也是八小時呢!! 回到家時已很疲倦了, 仲邊有心情再上來出舖呢!!

有一些人睇到我上邊的說話可能會說:工作係咁嫁啦, 香港地都唔知有幾多人一日工作多於十小時, 有乜好拿出來講。我也很同意, 因我以前的工作的基本工作時間也是十至十二小時。反過來, 其實我是想和大家分享這是一個好兆頭, 因自己的工作地方和性質的改變, 所以已有好久無有在一月一日這樣的紅日需要返工了。雖然在大多素人的假期時要返工有很多人心中都唔會覺得是一件好事, 但在我的角度上, 我覺得這是一個好開始, 希望可以由年頭忙到年尾, 正所謂唔辛苦點得世間財, 有野做好過無野做呢!!!

最後好多謝 Pro Golf 的到來, 希望你有空就多些到來, 成為路易斯之家的常客..^_^