獨闖少年宮

真的是很久以前的事了，記得在二零零六年，我與好友高迪一起去到深圳三大書城之一的南山書城遊購一番，雖然事隔已兩年多，但依然記得當天是多麼的大開眼界，多麼的樂而忘返。

最近因為心情非常馬馬，所以決定去散散心，回大陸行行書城。雖然一心是想再去南山書城的，但聽友人講在深圳的少年宮有一個近年才落成的新書城，因為見佢比去南山書城更方便，坐火車去落馬洲站再轉深圳地鐵坐四個站就到，所以直得去睇一睇，如果這是一個好地方，以後要搵書就方便了，但事情又係唔係呢?

今朝唔算好早起床，心情也不是太興奮，在家食左個杯麵做早餐就起行。由於是在落馬洲過境，所以好快，完全唔洗排隊，過左境轉地鐵只需三元人仔就去到少年宮站，真係又平又快，車程只是十分鐘左右。到左少年宮就出D出口，基本上一出就已經見到書城，真係好近，但在行過講書城前，在出站後的左手邊有一座叫深圳少年宮的建築物我自己覺得靚，入面好像是劇院來的，但我無入去睇過，所以唔可以確定。而出左地鐵的右邊就係書城，一定唔會睇唔到，因為建築物上已經好大隻字寫住書城，行過去三分鐘都唔洗。

這個書城的面積只有兩層，是由兩座建築物組成。我去書城主要是睇設計和電腦書籍，由於先前已經知道大約地形，所以一開始就去左比較遠果個入口，其實只係要過一條馬路，因為這邊有一個專買設計書的區域。入到去一睇已經覺得細，睇真D，真係賣與設計有關的書籍數量感覺上仲要比在香港行PageOne小，因為有超過七成的書都是講書法和素描，不太合我的要求。另外仲有一個專買入口書的地方，我都順路入去行行，唔洗講，一定無得同香港的書店比，但以雜誌來講，這裡有很多PageOne不可試睇的都有提供，但就不是全部都有提供，大部分吧。

好快就睇完行左去建築物的另外一邊，在未入到賣書的區域，先是一個賣音樂和電影的區域，我並沒有細睇，只是行過就直接去到書城的主區。這部分有兩層，第一層就乜鬼都有，係無我要搵的書種，所以好快我就落左下層，而這一層有一半是賣教科書，最後也比我找到賣電腦書的區域。書量不是很多，但比在香港簡體書書店見到的要多，只可惜未能找到合心水的。

總結來講，這個地方絕不稱得上是書城，只可以叫做一個專賣書的商場，相比南山書城，他實在是太細，太少書了。所以如果你是因為香港行來行去都係果D地方，感覺有些悶，想去行下，都是一個不錯的選擇，因為人不多，環境幾好，地方好新。而且入面有餐廳和coffee shop，唔洗你行來行去搵野食，但岩唔岩你口味就另一回事。但如果你是好像我是一心想去睇書，買書，這個地方就唔去好過去，因為你十居其九會好像我失落而回。