Elements - Sheraton Pattaya Resort
這家餐廳在網上看到很多人的推薦，個人覺得合理，但未必是必到的餐廳，或許因時間㚒吾岩，末能品嚐他們的海鮮自助餐。選擇這家餐廳來和大家分享，是因為我估有朋友會像我一樣看了資料，想去試一試吧，但要如何去呢？對我也是一個大問題，因吾想坐的士，所以在芭提雅就一定是雙排車(Tuk Tuk)啦，可惜無Tuk Tuk可去到的，去Sheraton是要上山的，我坐了兩駕TukTuk最後也只到山腳，最後轉了電單車先去到，三程車一共THB70。一定比的士平，但麻煩囉，無論如何，到了先吃飯吧，更重要的回程食完再講。
去到時六點多，因早小小去可以睇到日落，所以選了露天位，而因為早，所以我基本上是想坐邊個位也可以。先來個凍咖啡，送兩件曲奇餅，大致可以。坐了一會，點菜，一個人吾食得多，先來個串燒做前菜，再送了一碗蝦片，主菜是意粉，細細碟，但我已足夠，最後叫多支水，因碟意粉好鹹呀。無留單，大概是THB1200。
好 - 回程!!完全吾知點走，出酒店門口問下有無的士啦，點知超好彩，原來Sheraton是有專車送客落山的，仲有一個位，發達，總站仲要係Central Festival，即我間酒店旁邊，中途會停一停Walking Street附近。車是停在Central Festival側門的，然後在這裏再接人回Sheraton。大發現呢，如果有朋友也想去Elements，大可在此等免費車。根據車程，我估大約30至45分鐘一班吧。
比想像中講得長，下回再談另一家餐廳....
沒有留言:
發佈留言